Di nla kobol i ngén ini ni kal le ingéda mut a mpot maliga i ngim loñ, bôt ba loñ i ba mbéna bé gwés nye. Ba mbéna bé singe nye. Ba mbéna bé ti nye lipém.
Di nla ki kobol i ngén ini ni kal le ingéda mut a mboñ mam malam inyuu lihaa jé, bôt bé ba lihaa ba nyi bé nseñ wé. Bôt ba mahaa mape bon ba nsinge nye, bon ba ntehe ni bégés mam malam a mboñ.
Kii i mboñ ngim bon ba loñ le ba nti bé mpot wap bindéé lipém? Kii i mboñ ngim bon ba loñ le ba ngwés bé yi maliga ni nseñ i nson mut wap lihaa a mboñ ?
Ngim bôt i ngwés bé gwélél mambén ma Hilôlômbi to ibale bo ba nkal we le mambén ma, ma nla tohol bo inyuule ma yé maliga, ma nyilis bo ngwélés i ke bisu.
Yom di nyi ni tehe, yo ini le, ngim bôt i ngwés i mam ma nlôl haa, i mam ma nlôl biloñ bipe to ibale bo i mam ma, ma yé i loñ yap. Jon u nog le : lingwo li mbai yada li nepna bé.
Yaônde, 26 kondoñ 2012
Nkam Pondi Pondi
Commentaires
Me nkônde ha wo mahon le Ibale bapot bindee wee bapôdôl ba Nyambe hala a nôôga inyule ba ta ba lo bé i nkon isi i bon le bôt ba gwés bo ndi ba yé ba lo ndigi i tiba bo mede sesema i bon le jôl li Nyambe li tyiba ni le li tina lipém.
Ndi i bale bapot bidee ba yé bana bôt ba binam kikii bés na we ... ngéda di nyon kunde i pot mam ma bôt mabe inyule di gwé mahonol i pot maliga ; mahonol mem ma yé le wee bés bon di nsuu bo ; hala a yé nyumba . Maliga ma yé inyu mut nyemede maliga ma ta bé i kal bôt i mam mabe ba mbon ; inyule hiiki mut a gwé mam mabe ;
i yom i nôbôs i kon isi unu i yé bôt ba yé ba y"g i pot mam malam ma b^t ; ni bo ba pohol i pot mam mab mabe ba hôya i pot imab , ndi ibale di mpot mam malam ma bôt ndi di tjél pot mama mab mabe hala a hôla bo le ba hieba ba kahal bon mam malam ; ni bo ba tjél mam mabe ndég ni ndég .
Nyambe a mpot i len ini le: "Hilémb hi bi héga i pot mam malam di nlama ni bé hindis ni ipot mam mabe ; Ngéda hié hi ngôg hi nkala i kété yon u nlama honol mam mon mabe ndi ha ma bihégél gwem bé ; inyule i yé ntiig lana le hiiki mut a nyi nyemede longe longe iloo kii a nyi bôt bôt bape". Mohonol ndig ma mon me nti inyu longe i ngeni i . me nwehlana ibale me nbep pot. Silas
S’abonner au flux RSS pour les commentaires de cet article.